Hanekom, Brink, Deacon

Estienne Nel (eers gespel Niel), gebore 1669, van Dauphine was 'n Franse Hugenoot wat in 1693 in Suid-Afrika aangekom het. Hy was eers kompanjie soldaat en later landbouer in Drakenstein. Hy was getroud in 1700 met Marie-Madeleine Marais gebore in 1682 in Hierpoix Frankryk en sy is oorlede in 1716. Sy was die dogter van Charles Marais en Katherine Taboureux. Estienne is oorlede in 1738, maar sy enigste seun wat getroud is het egter net dogters gehad. Sy familie lyn het hier dus dood geloop. In die geskiedenis van hierdie Brinklyn het dit ook met die Tophams en die Raubenheimers gebeur. In 1700 het Estienne al 100,000 wingerdstokke in die grond gehad en was kort voor lank ook ver voor die ander Hugenote. Gou was hy dan ook 'n voorloper met wynproduksie met 120 leers. 1699 was 'n swak jaar aan die Kaap en met die opname in 1700 was die Estienne se naam boaan met 150 mud koring en hy het kop en skouers bokant sy mede Hugenote uitgestaan wat landbou en wingerdbou betref. Met sy groot produksie van wyn en graan het hy die plaas Keerweder, wat oorspronklik aan Heinrich Muller toegeken is, in die hande gekry. Die plaas Orange in die Paarl was in 1707 as eiendom toegeken aan ene Theuns Dirkz van Schalkwyk. In 1714 het Estienne Orange verkry en terselfdertyd die buiteplaas Bossjesmansfontein by Groot Paardeberg. In 1720 het hy Klipfontein in die Swartland bygekry. Hy was duidelik een van die voorspoedige Hugenote. Grondbesit was 'n goeie barometer om die voorspoed van die boere te bepaal. Estienne het as Heemraad vir Stellenbosch en Drakenstein opgetree en was ook sersant in die Drakenstein burgermag. Hy was dus die militaris onder die Hugenote. Toe hy 62 jaar oud was, het hy sy boerdery in die hande van sy seun Johannes geplaas, omdat hy te oud was om hom verder daarmee te bemoei. Uit hulle huwelik is daar 5 kinders gebore. Sy een seun was getroud en het net dogters gehad. Etienne Nel is jonk oorlede seker as gevolg van al sy dogter probleme! Maria Magdalena Nel gebore in 1703 en sy trou op 16 jarige ouderdom met Francois Migault. Etienne was nie baie tevrede met hierdie skoonseun nie aangesien hy hom baie losbandig gedra het. Etienne versoek die VOC in 1727 om Francois Migault in diens te neem en hom weg te stuur. Wat ‘n manier om die probleem op te los! Slegs twee van hulle kinders se name is bekend te wete Maria Elizabeth gebore 1722 en Johannes Stephanus Nel en hy is nooit getroud nie maar sy suster Maria het die stammoeder van die Hauptfleish geslag geword.